THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.

Gadget

This content isn't available over encrypted connections yet.

UCHAMBUZI WA HABARI ZA MAGAZETI YA LEO




TANZIA MWANZA

Familia ya bwana na bibi Rutegama Robert wa Nkuhungu Dodoma inasikitika kutangaza kifo cha shemeji yao mpendwa Ruben Kabuti (pichani) kilichotokea ghafla leo asubuhi katika hospital ya Kamanga, Nyegezi,  Mwanza. 
Mazishi yanatarajiwa kufanyika Ngudu, Kwimba, Mkoani Mwanza, siku ya Alhamis  ya Septemba 1, 2016.
Habari ziwafikie ndugu, jamaa marafiki na jirani wa marehemu  popote pale walipo.

BWANA ALITOA NA BWANA AMETWAA. JINA LAKE NA LIHIMIDIWE 
AMINA



Events in france



RC MAKONDA AMJULIA HALI MTOTO WA MTANGAZAJI WA CLOUDS TV ALIYEPATA AJALI

 Mkuu wa Mkoa wa Dar es Salaam Mhe. Paul Makonda (kushoto) akimjulia hali mwanafunzi wa Darasa la 4 wa Shule ya Msingi ya Mount Kibo ya Mbezi Beach ya Jijini Dar es Salaam, David Kamoga, anayepatiwa matibabu katika Taasisi ya Tiba, Mifupa, Upasuaji wa Ubongo na Mishipa ya Fahamu Muhimbili (MOI),  baada ya kujeruhiwa kwa kugongwa  na gari aina ya Hiace eneo la Tegeta, Namanga, Jijini Dar es salaam. Kulia ni baba wa mtoto huyo, Bw. Hudson Kamoga ambaye ni mtangazaji wa Clouds TV. (PICHA  NA KHAMISI MUSSA)


CCM MBEYA YAWAPA SIKU 14 WAVAMIZI ENEO LA ITUHA JIJINI MBEYA.







Sehemu ya Agizo la Mahakama.


TEASER JOTO LA ASUBUHI AUGUST 31 JUMATANO






JWTZ KUADHIMISHA SIKU YAO SEPTEMBA MOSI KWA KUFANYA USAFI NA WANANCHI NCHI NZIMA

 Mkuu wa Mkoa wa Dar es Salaam,Paul Makonda akizungumza na Waandishi wa Habari pamoja na baadhi ya Maofisa wa Jeshi la Wananchi wa Tanzania(JWTZ) juu Maadhimisho ya kilele cha miaka 52 ya jeshi hilo.
 Msemaji wa Jeshi la Wananchi wa Tanzania(JWTZ),Kanali Ngemela Lubinga(aliyesimama) akizungumza na waandishi wa habari kuhusiana na kazi mbalimbali watakazozifanya katika kilele cha maadhimisho ya miaka 52 ya Jeshi hilo. 
 Mkuu wa mkoa wa Dar es Salaam, Paul Makonda, akisalimiana namakamanda wa Jeshi la Ulinzila Wananchi wa Tanzania JWTZ, alipokutana nao ofisini kwake jijini Dar es Salaam leo Agosti 30, 2016. JWTZ itaadhimisha miaka 52 kwa kufanya usafi kote nchini.


Na Bakari Issa Madjeshi, Globu ya Jamii

Jeshi la Ulinzi la Wananchi wa Tanzania JWTZ linatarajia kuadhimisha siku ya kilele cha miaka 52 tangu kuzaliwa kwake kwa kufanya usafi wa mazingira sambamba na uchangiaji wa damu.

Akizungumza na Waandishi wa Habari wakati alipokutana na Maafisa wa Jeshi hilo Mkuu wa Mkoa wa Dar es Salaam, Paul Makonda amesema JWTZ inapotimiza miaka 52 ni fahari kubwa hivyo tunapaswa kuwapongeza kwa kudumisha amani na mshikamano,kusaidia mataifa mbalimbali pamoja na kulinda mipaka ya nchi.

Makonda amesema kuwa Wananchi wanapaswa kuungana nao katika kazi mbalimbali wanazofanya katika mkoa wa Dar es Salaam.

"Wakuu wa Wilaya wamejipanga kuainisha maeneo ambayo yatafanyiwa usafi hivyo kama kuna mwananchi anataka kushiriki nao usafi na Wanajeshi siku ya kilele, Septemba mosi basi asubuhi na mapema waripoti kwa Wakuu hao wa Wilaya na watapangiwa jinsi gani wataweza kushirikiana nao"amesema Makonda.

" Pia wamekubali kuchangia Damu hii itasaidia kutokana na mahitaji ya Damu ni makubwa katika Hospitali ya Taifa ya Muhimbili na pia hospitali za Mwananyamala, Temeke na Amana"ameeleza Mkuu wa Mkoa huyo wa Dar

Pia ametoa wito kwa wananchi wapenda amani kujitokeza kwa wingi kuchangia damu katika maeneo ya Lugalo, JKT Kawe na maeneo mengine ya kambi yenye vituo vya uchangiaji damu.

Akithibitisha kuwepo kwa Maadhimisho ya kilele cha miaka 52 ya JWTZ, Msemaji wa Jeshi hilo, Kanali Ngemela Lubinga amesema Mkuu wa Majeshi amefarijika kushiriki kikamilifu katika shughuli zao za kuadhimisha miaka 52 ya Jeshi hilo.

Kanali Lubinga amesema wamefarijika kuona Mkoa wa Dar es Salaam umeshiriki nao katika shughuli mbalimbali za Jeshi hilo ikiwemo shughuli za usafi.

"Siku hiyo ya kilele shughuli zetu zitakuwa ni utoaji damu, kufanya usafi kutokana na usafi ni afya na ni amani" amesema Kanali Lubinga

Amesema kutakuwa na Madaktari wa Jeshi watakao toa huduma za ushauri kwa magonjwa mbalimbali kama Kisukari pamoja na Shinikizo la Damu sambamba na kushiriki Michezo.

Pia amesema Ndege za kivita zitakuwa zitapita kuashiria siku ya kilele cha maadhimisho ya miaka 52 ya Jeshi hilo.


MAKAMU WA RAIS MHE. SAMIA SULUHU AHUDHURIA UFUNGUZI WA MKUTANO WA 36 WA SADC MJINI MBABANE SWAZILAND

Mwenyekiti anayemaliza muda wake wa Jumuiya ya Maendeleo Kusini mwa Afrika -SADC- ambaye pia ni Rais wa Botswana Luteni Jenerali Dkt. Seretse Khama Ian Khama amempongeza Rais wa Jamhuri ya Muungano wa Tanzania Dkt. John Pombe Magufuli kwa kuchaguliwa kwake kwa kishindo katika uchaguzi mkuu uliofanyika mwaka jana.
Rais huyo wa Botswana ametoa kauli hiyo ya pongezi katika hotuba yake kwenye ufunguzi wa Mkutano wa 36 wa Wakuu wa Nchi na Serikali wa SADC unaofanyika Mbabane- Swaziland ambapo Katika Mkutano huo Rais wa Jamhuri ya Muungano wa Tanzania Dakta JOHN POMBE MAGUFULI anawakilishwa Makamu wa Rais wa Jamhuri ya Muungano wa Tanzania Mhe. Samia Suluhu Hassan.
Rais huyo wa Botswana amesema ukuaji wa demokrasia katika nchi wanachama wa jumuiya ya SADC unaendelea kuimarika hivyo ni muhimu jitihada hizo zikaendelezwa zaidi.
Amesema ana Imani kubwa na Viongozi waliochaguliwa kwa njia ya amani,uhuru na haki katika ukanda wa SADC akiwemo Rais wa Jamhuri ya Muungano wa Tanzania na Rais wa Jamhuri ya Visiwa shelisheli kwamba watafanya kazi kwa bidii ili kuharakisha maendeleo kwa wananchi wao.

Wakuu wa nchi na Serikali wa SADC katika mkutano huo wameshuhudia utoaji wa zawadi mbalimbali kwa wanafunzi waliofanya vizuri katika utunzi wa insha na kwa wanahabari ambao wameandika habari mbalimbali kuhusu SADC ikiwemo masuala ya huduma ya maji.
Aidha Katika Mkutano huo wa 36 wa SADC viongozi wanaohudhuria watafanya uchaguzi wa Mwenyekiti na Makamu Mwenyekiti wa SADC na Uchaguzi wa Mwenyekiti na Makamu Mwenyekiti wa Asasi ya SADC ya Siasa, Ulinzi na Usalama ( SADC Troika).
Katika mkutano huo Wakuu wa nchi na serikali pia watapokea rasimu za maboresho ya mikataba mbalimbali kutoka kwenye Baraza la Mawaziri kwa ajili ya kutia saini. Miongoni mwa rasimu hizo ni mkataba wa kuboresha itifaki ya SADC dhidi ya rushwa, maboresho ya itifaki ya ushirikiano wa siasa, ulinzi na usalama ya SADC na maboresho ya itifaki ya biashara.


Makamu wa Rais wa Jamhuri ya Muungano wa Tanzania Mhe. Samia Suluhu Hassan akisaini ubao wa kumbukumbu kwa niaba ya Rais wa Jamhuri ya Muungano wa Tanzania Mhe. John Pombe Magufuli wenye majina ya viongozi waliohudhuria mkutano wa 36 wa SADC uliofanyika Lozitha, Mbabane Swaziland.


Makamu wa Rais wa Jamhuri ya Muungano wa Tanzania Mhe. Samia Suluhu  Hassan (katikati) akiwa kwenye mkutano wa 36 wa Wakuu wa Nchi na Serikali za Jumuiya ya Maendeleo ya Kusini mwa Afrika (SADC) uliofunguliwa leo kwenye ukumbi wa Mandvulo uliopo Lozitha, Swaziland.
Mfalme Mswati wa III (kushoto) akihutubia kwenye ufunguzi wa mkutano wa 36 wa Wakuu wa Nchi na Serikali wa SADC kwenye ukumbi wa Mandvulo, Lozitha Swaziland.
Binti akionyesha bendera ya Tanzania wakati wa kuimba shairi maalum ya ufunguzi wa mkutano wa 36 wa SADC
Wakuu wa nchi na Serikali wa Jumuiya ya Maendeleo ya Nchi za Kusini mwa  Afrika (SADC) wakiwa kwenye picha ya pamoja mara baada ya ufunguzi wa mkutano wa 36, Lozitha Swaziland.
  ....................................... 
BOFYA HAPA KWA PICHA ZAIDI


RAIS DKT MAGUFULI AKUTANA NA MABALOZI WA CUBA NA INDIA IKULU DAR ES SALAAM LEO.

 Rais wa Jamhuri ya Muungano wa Tanzania Dkt John Pombe Magufuli akisalimiana na balozi wa India nchini Mhe.Sandeep Arya aliyekutana naye na kufanya mazungumzo Ikulu jijini Dar es salaam leo Agosti 30, 2016. 
 2016.

Rais wa Jamhuri ya Muungano wa Tanzania Dkt John Pombe Magufuli akimsindikiza  balozi wa India nchini Mhe.Sandeep Arya aliyekutana naye na kufanya mazungumzo Ikulu jijini Dar es salaam leo Agosti 30, 2016.


 Katibu Mkuu Wizara ya Viwanda na Biashara, Dkt. Adelhem Meru akisalimiana na balozi wa Cuba nchini Mhe Jorge Lopez Tormo kabla ya kufanya naye  mazungumzo Ikulu jijini Dar es salaam leo Agosti 30, 2016, Rais wa Jamhuri ya Muungano wa Tanzania Dkt John Pombe Magufuli (aliye nyuma).
Rais wa Jamhuri ya Muungano wa Tanzania Dkt John Pombe Magufuli akifanya  mazungumzo na balozi wa Cuba Mhe Jorge Lopez Tormo nchini Ikulu jijini Dar es salaam leo Agosti 30, 2016.
PICHA NA IKULU


Yaliojiri katika Mkutano wa Nchi za Jumuiya ya Madola Kanda ya Afrika Nchini Mauritius

Viongozi Wakuu pamoja na Sekretieti ya Mkutano huo wakiwa katika picha ya pamoja baada ya ufunguzi wake. Katikati  mwenye suti ni Waziri Mkuu wa Mauritius Sir Anerood Jugnauth. 
Ujumbe wa Tanzania walioshiki Mkutano huo wakiwa katika picha ya pamoja na Spika wa Baraza la Wawakilishi la Zanzibar Mhe Zuberi Ali Maulid katikati kulia Mwenyekiti wa Bunge la Jamuhuri ya Muungano wa Tanzania Mhe Mussa Zungu  na kushoto Dk Raphael Chegeni.Kutoka kushoto Maryam Rajab, Mbarikiwa Masinga, Mhe,Maria (MB) Mhe. Raphael Chegeni (MB)Mhe Juma Hamad Omar (MB) Mhe Simai Mohammed Said (BLW)  Aziza Makwai.  
Mjumbe wa Mkutano wa Nchi za Jumuiya ya Madola Kanda ya Afrika Mhe. Simai Mohammed Said, akiwasilisha Mada wakati wa Mkutano huo juu ya  Suala la Nishati kwa Bara la Afrika, uliofanyika nchini Mauritius, Balaclava. 
Spika wa Baraza la Wawkilishi Zanzibar Mhe. Zuberi Ali Maulid akiwa na Wajumbe kutoka Tanzania wakishirika katika Mkutano huo wakifuatilia Mada zinazowasilishwa na Wajumbe wakati wa Mkutano huo nchini Mauritius.  Kwa picha zaidi BOFYA HAPA


Watanzania waishio UK almaarufu kama THE BIG FAMILY wahani msiba wa mkwewe Chris Lukosi Uingereza

Jumatatu jioni  umoja wa familia za Watanzania waishio UK almaarufu kama THE BIG FAMILY walitembelea nyumbani kwa mdau mwandamizi wa Globu ya Jamii Chris Lukosi (aliyekaa chini)  na mkewe Adela Lukosi huko Reading, Uingereza, kuhani msiba wa  Mama mkwe wake Bibi Mkami, aliyefaririki tarehe Agosti 2, 2016 jijini   Dar es salam  na kuzikwa tarehe Agoisti 4, 2016 kijijini Image mkoani Iringa. 
 Adela Lukosi (aliyekaa chini akiwa na THE BIG FAMILY waliofika kuhani msiba wa  Mama yake mzazi  Bibi Mkami, aliyefaririki tarehe Agosti 2, 2016 jijini   Dar es salam  na kuzikwa tarehe Agoisti 4, 2016 kijijini Image mkoani Iringa
 THE BIG FAMILY wakibadilishana mawazo kwa wafiwa
  THE BIG FAMILY wakiwa  kwa wafiwa
THE BIG FAMILY wakiendeleza utamaduni wa kuwa pamoja wakati wa shida na raha.


CLOSING OF THE CULTURAL HERITAGE PROJECT IN KILWA

On Friday 26 August 2016 at  Kilwa Masoko in Coast Region the the European Union (EU) Representative and Head of Finance and Contracts, Mr. Hans-Juergen Scheck, the French Representative of the Head of Cooperation and Cultural Affairs, Ms. Franca Berthomier, together with the District Planning Officer, Mr. Francis Kaunda on behalf of the District Commissioner of Kilwa, participated in a closing ceremony of the Kilwa cultural heritage project.  

The three year project implemented in Kilwa with the support of the European Union and the Government of France has been completed. Titled “Promoting Heritage Resources in Kilwa to strengthen social and economic development”, the project aims to identify, protect and promote heritage resources in Kilwa, Southern Tanzania.
 The EU Representative, Mr. Hans-Juergen Scheck, the Vice-Chairman of the French urban community of Rochefort-OcĂ©an, Bruno Bessaguet, the French Representative, Ms. Franca Berthomier, the Chairman of the NGO CRAterre, Thierry Joffroy and Kilwa Local Project Coordinator, Ms. Tatu Magina listening to one of the tour guide, Ms. Jamila Mpoka after the event.
 Holding the project catalogue titled 'Karibu Kilwa' is the Chairman of Kilwa Islands Tour and Information, Mr. Abdalah Ahmadi.


Baraza la ushauri la watumiaji wa huduma za mawasiliano latoa zawadi kwa wanafunzi walioshinda shindano la insha

 Kaimu katibu Mkuu wa Wizara ya Ujenzi, Uchukuzi na Mawasiliano  anayesimamia sekta Mawasiliano mhandisi Dkt. Maria Sasabo kushoto akizungumza wakati wa hafla ya kutoa zawadi kwa wanafunzi wa vyuo, sekondari na shule za msingi za jijini Dar es Salaam walioshinda shindano la uandishi wa insha kuhusu haki ya mtumiaji wa huduma za mawasiliano, kulia ni Katibu wa Baraza la ushauri la watumiaji wa huduma za mawasiliano  Bi. Mary Shao Msuya.

 Mwenyekiti wa baraza la ushauri la watumiaji wa huduma za mawasiliano Bw. Stanley Mwabulambo akimkaribisha mgeni rasmi  Kaimu Katibu Mkuu wa Wizara ya Ujenzi, Uchukuzi na Mawasiliano  (Mawasiliano) Mhandisi Dkt. Maria Sasabo kuzungumza na wanafunzi wa vyuo, sekondari na shule za msingi za jijini Dar es Salaam walioshinda shindano la uandishi wa insha kuhusu haki ya mtumiaji wa huduma za mawasiliano 

 Mshindi wa kwanza wa insha kwa upande wa Shule za Msingi  Jane Michael Andrew  kutoka shule ya msingi ya Mbuyuni akipokea zawadi ya cheti ya mshindi wa kwanza wa insha kutoka kwa Kaimu katibu Mkuu wa Wizara ya Ujenzi, Uchukuzi na Mawasiliano  (Mawasiliano) mhandisi Dkt. Maria Sasabo.
 Mshindi wa kwanza wa insha kwa upande wa vyuo vya elimu ya juu Bw. Omari Abbas kutoka chuo Kikuu kishiriki cha Ualimu (DUCE) akipokea zawadi ya cheti kutoka kwa Kaimu Katibu Mkuu wa Wizara ya Ujenzi, Uchukuzi na Mawasiliano  (Mawasiliano) mhandisi Dkt.   Maria Sasabo.
Mshindi wa kwanza wa insha kwa upande wa Shule za sekondari Bw, Ramadhani Mohamed kutoka Shule ya sekondari ya Kibasila  akipokea zawadi ya mshindi wa kwanza wa insha kutoka kwa Kaimu katibu Mkuu wa Wizara ya Ujenzi, Uchukuzi na Mawasiliano  (Mawasiliano) mhandisi Dkt. Maria Sasabo. 


NMB yawakumbuka watoto wenye usonji, yawapa msaada wa vifaa vya masomo

Mwalimu Mkuu wa Shule ya Msingi Mbuyuni, Dorothy Malecela akitoa neno la shukrani kwani niaba ya uongozi wa shule na wanafunzi. (Picha zote na Rabi Hume - MO BLOG)

Mgeni rasmi katika makabidhiano ya msaada huo, Kamishna wa Ustawi wa Jamii kutoka Ofisi ya Waziri Mkuu, Rabikira Mushi akimshukuru Meneja wa Kanda ya Dar es Salaam wa NMB, Bi. Vicky Bishubo kwa msaada ambao wamewapatia.
Mgeni rasmi katika makabidhiano ya msaada huo, Kamishna wa Ustawi wa Jamii kutoka Ofisi ya Waziri Mkuu, Rabikira Mushi na Meneja wa Kanda ya Dar es Salaam wa NMB, Bi. Vicky Bishubo wakicheza na wanafunzi wa Shule ya Msingi Mbuyuni. Kwa picha zaidi BOFYA HAPA


Maonesho ya Biashara ya Afrika Mashariki yafunguliwa rasmi Jijini Mwanza

Mkuu wa Wilaya ya Ilemela mkoani Mwanza, Dkt.Leonard Massale, hii leo akifungua Maonesho ya Biashara ya Afrika Mashariki yanayofanyika Jijini Mwanza. 
Maonesho hayo yameandaliwa na Chemba ya Wafanyabiashara wenye Viwanda na Kilimo nchini TCCIA, yalianza Agosti 26,2016 na yanatarajiwa kufikia tamati Septemba 04,2016 katika viwanja wa Rock City Mall.
Mkuu wa Wilaya ya Ilemela mkoani Mwanza, Dkt.Leonard Massale, akizungumza kwenye Maonesho ya Biashara ya Afrika Mashariki yanayofanyika Jijini Mwanza.  Picha zaidi BOFYA HAPA


NSSF YASHIRIKI MAONESHO YA 11 YA BIASHARA YA AFRIKA MASHARIKI YANAYOFANYIKA JIJINI MWANZA


Mkuu wa Wilaya ya Ilemela, Dk. Leonard Masale ambaye alimwakilisha Mkuu wa Mkoa wa Mwanza akizungumza na waandishi wa habari katikabanda la NSSF mara baada ya kufungua rasmi maonesho ya 11 ya Biashara ya Afrika Masharikialipotembelea banda la NSSF.
Mwakilishi wa Meneja Kiongozi NSSF Mwanza, Aloyce Limu akizungumza na waandishi wa habari.

Ofisa Mafao wa NSSF, Farida Mkande akitoa elimu kuhusu mafao ya NSSF.


SIMU TV: HABARI KUTOKA TELEVISHENI

SIMU.TV: Bweni la wavulana katika shule ya sekondari ya Aldasgate iliyopo wilayani Babati mkoani Manyara lateketea kwa moto na kusababisha hasara kubwa.https://youtu.be/hYLIWLt0W_I

SIMU.TV: Rais Dr. John Pombe Magufuli awaalika wafanyabiashara kutoka nchini Cuba na serikali ya Cuba kuja kuwekeza na kujenga viwanda Tanzania.https://youtu.be/egpbxL19NC0

SIMU.TV: Mtandao wa watetezi wa haki za binadamu Tanzania THRDC umelaani tukio la kuvamiwa na kuuawa kwa polisi katika eneo la Mbande. https://youtu.be/Kt6Rw6s8sIg

SIMU.TV: Mkuu wa wilaya ya Geita Herman Kapufi, awataka wananchi wa wilaya hiyo kutunza miundombinu ya barabara kwa kuwa serikali inatumia gharama nyingi kuitengeneza. https://youtu.be/20Y4bD1affQ

SIMU.TV: Wizara ya elimu sayansi teknolojia na mafunzo ya ufundi imeshauriwa kutafuta idadi kamili ya watoto waishio mtaani na kuwapatia elimu kwa manufaa ya baadae.https://youtu.be/eHQD1SCQ9V0

SIMU.TV: Kufuatia tukio la kupatwa kwa jua Septemba mosi hifadhi ya taifa ya Ruaha imefungua geti la pili la Ikoga ili kuongeza idadi ya watalii katika hifadhi hiyo.https://youtu.be/0eZkPUz6tpk

SIMU.TV: Wafanyabiashara katika eneo la Kariakoo wametakiwa kutii sheria kwa kutopanga bidhaa katika eneo la barabara na kusababisha adha kwa waenda kwa miguu.https://youtu.be/IFCQb_L5M3s

SIMU.TV: Uongozi wa klabu ya soka ya Simba umeeleza kuendelea kupambana na mchezaji Hassan Kessy kwa kuvunja vipengele vya mkataba wake na klabu hiyo.https://youtu.be/omCsI1fNvMI

SIMU.TV: Wachezaji wa mchezo wa gofu kutoka maeneo mbalimbali nchini wameendelea kujiandaa na michuano mbalimbali ikiwemo ile ya mkuu wa majeshi.https://youtu.be/Zj6DtNomSkU

SIMU.TV: Washiriki wa shindano la kumsaka Miss Kinondoni leo wamepata fursa ya kutembelea kampuni ya Mabibo beer and wine ambayo ndio wadhamini wa shindano hilo. https://youtu.be/kZFYx8yXGYs

SIMU.TV: Nahodha wa timu ya taifa ya Uingereza Wayne Rooney amethibitisha kuwa atastaafu kuitumikia timu hiyo mara baada ya michuano ya kombe la dunia 2018.https://youtu.be/mI7Kc93O8qA


Safari Lager kuliteka soko na bia mpya ya kopo yenye ujazo wa 500ml

Bia ya kopo ya kwanza yenye ujazo wa mililita 500 kwa bia ya Kitanzania. 
 Kampuni ya Bia ya TBL kupitia bia yake ya Safari lager imezindua bia ya kopo ya kwanza yenye ujazo wa mililita 500 kwa bia ya Kitanzania. Akizungumza katika uzinduzi uliofanyika jijini Dar, Meneja Bidhaa wa Safari Lager, Edith Bebwa Nasuwa alisema “Ni bia ya kwanza ya Kitanzania ya kopo yenye ujazo wa mililita 500 ambayo italeta urahisi, unafuu na ladha nzuri ya aina yake kwa wapenzi wote wa bia ya Safari Lager” Bia hii ya kopo tayari imeshaanza kupatikana maeneo yote nchini kuanzia tarehe 26 Agosti 2016 na imeelezewa kuwa ni bia ya wajanja wenye kujiamini. 
“Bia mpya ya kopo ya Safari ni dhahiri kwamba imetengezwa kumpa umahiri Mtanzania katika safari ya maisha yake. Inapatikana kwa urahisi na kwa wakati muafaka hata wakati mtu anakwenda kwenye mihangaiko yake au kubeba akiwa anakwenda kwenye matembezi au safarini” alimalizia Edith Bebwa. 
Fuatilia kurasa za Safari Lager kupata habari zaidi 
 Bia ya kopo ya kwanza yenye ujazo wa mililita 500 kwa bia ya Kitanzania. 
Wadau wakifurahia bia ya kopo ya kwanza yenye ujazo wa mililita 500 kwa bia ya Kitanzania. 


TAARIFA KUTOKA TTF


UAMUZI WA KAMATI YA KATIBA, SHERIA NA HADHI ZA WACHEZAJI
Kamati ya Katiba, Sheria na Hadhi za Wachezaji Jumapili ya Septemba 4, 2016 inatarajiwa kutoa hukumu ya shauri la mchezaji Hassan Ramadhan Kessy anayedaiwa na Klabu ya Simba kuvunja mkataba kwa kuanza kufanya mazoezi na klabu ya Young Africans sambamba na kusajili katika timu hiyo ya Mtaa wa Jangwani, Dar es Salaam kabla ya mkataba wake kufika mwisho Juni 15, 2016. 
Simba imelalamika mbele ya kamati hiyo ya Shirikisho la Mpira wa Miguu Tanzania (TFF) kuwa, mchezaji Hassan Kessy alivunja taratibu hizo akiwa ndani ya mkataba wa klabu hiyo yenye mashakani yake Barabara ya Msimbazi jijini Dar es Salaam.

Kwa taarifa zaidi, fuata link hapo chini

TIMU YA TAIFA YA WANAWAKE TANZANIA BARA

Shirikisho la Mpira Miguu Tanzania (TFF) limethibitisha kwa Shirikisho la Vyama vya Mpira wa Miguu Afrika Mashariki na Kati (CECAFA), kuwa timu ya taifa ya wanawake ya Tanzania itashiriki michuano ya kwanza ya Kombe la Chalenji kwa wanawake itakayofanyika kuanzia Septemba 11, 2016 hadi Septemba 20, 2016 kwa kushirikisha nchi saba wanachama wa shirikisho hilo. 
Kwa mujibu wa CECAFA, michuano hiyo itafanyika jijini Jinja na Tanzania ambayo inaongoza kwa ubora wa viwango vya Mpira wa Miguu kwa nchi za Afrika Mashariki imepangwa kundi B ikiwa pamoja na timu za Rwanda na Ethiopia wakati kundi A litakuwa na timu za Kenya, Burundi, Zanzibar pamoja na mwenyeji Uganda.
Kwa taarifa zaidi, fuata link hapo chini


SAFARI YA TAIFA STARS KWENDA NIGERIA  
Mshambuliaji wa kimataifa wa Tanzania anayechezea timu ya Genk ya Ubelgiji, Mbwana Samatta anatarajiwa kuungana na timu hiyo nchini Nigeria kwa ajili ya mchezo wa mwisho wa hatua ya makundi kuwania nafasi ya kucheza fainali za Kombe la Mataifa ya Afrika (AFCON 2017).

Hadi mchana wa leo Agosti  29, 2016 ni Kelvin Yondan pekee kutoka Young Africans ambaye hakuripoti kwenye kikosi hicho kilichopiga kambi yake kwenye Hoteli ya Urban Rose iliyoko katikati ya jiji la Dar es Salaam. Kipa mpya wa timu hiyo, Said Kipao alijiunga na timu hiyo mara moja baada ya kuteuliwa na Kocha Mkuu, Charles Boniface Mkwasa.
Kwa taarifa zaidi, fuata link hapo chini