THIS BLOG IS PROUDLY SPONSORED BY VODACOM, TANZANIA'S LEADING CELLULAR NETWORK. | CRDB BANK - THE BANK THAT LISTENS | NATIONAL BANK OF COMMERCE (NBC)- CONVENIENTLY EVERYWHERE | NATIONAL SOCIAL SECURITY FUND (NSSF) | PUBLIC SERVISE PENSIONS FUND (PSPF). ' Karibu katika hii Globu ya jamii. Una karibishwa kutoa maoni yako yoyote yatakayo jenga taifa letu. Nawasihi kila mmoja wetu ajiheshimu kwa kutumia lugha zisizochafua hali ya hewa. Yaliyomo humu hayahusiani kwa vyovyote vile na hariri za magazeti ya Daily News, HabariLeo na Sunday News. Maoni yanayotolewa na wasomaji si ya GLOBU YA JAMII, ni ya mtoa maoni isipokuwa pale itavyoelezwa vinginevyo. Akhsanteni sana na tuendeleze Libeneke.


There was an error in this gadget

SHUKURANI NA TAARIFA YA AROBAINI YA MAREHEMU MAMA TABU KAYUGWA KAWAWA WA KIJITONYAMA DAR ES SALAAM


FAMILIA YA MAREHEMU MAMA TABU KAYUGWA KAWAWA (PICHANI) WA KIJITONYAMA DAR ES SALAAM TUNAPENDA KUTOA SHUKRANI ZETU ZA DHATI KWA NDUGU, JAMAA NA MARAFIKI WALIOSHIRIKIANA NASI KWA KUTUFARIJI KWA HALI NA MALI KATIKA KUMUUGUZA MPAKA KUMZIKA MAMA YETU MPENDWA ALIYEFARIKI TAREHE 28 APRIL2016 KATIKA HOSPITALI YA MUHIMBILI NA KUZIKWA KATIKA MAKABURI YA KISUTU DARESSALAAM

SHUKURANI ZA PEKEE ZIWAFIKIE PROFESSOR MOHAMED JANABI, MADAKTARI, WAUGUZI NA WAFANYAKAZI WA HOSPITALI ZA TMJ-MIKOCHENI NA MUHIMBILI ICU YA MWAISELA
NI VIGUMU KUWASHUKURU WOTE KWA MAJINA. TUNAWASHUKURU WOTE KWA USHIRIKIANO WENU MKUBWA.
TUNAPENDA PIA KUTUMIA NAFASI HII KUWATAARIFU NA KUWAKARIBISHA KATIKA SHUGHULI YA AROBAINI YA MAREHEMU MAMA YETU MPENDWA ITAKAYOFANYIKA JUMAPILI YA TAREHE 05 JUNE 2016 (SAA SABA MCHANA) BAADA YA SALA YA ADHUHURI, NYUMBANI KWA BINTI YAKE ANNETTE ASHURA KAWAWA MIKOCHENI. NYOTE MNAKARIBISHWA.

INNA LILLAHI WA INNA ILAYHI RAJIUN
"HAKIKA SISI NI WA MWENYEZI MUNGU NA HAKIKA KWAKE TUTAREJEA... QURAN 2:156


TAZAMA VIDEO YA MSANII MAYUNGA NA AKON ILIYOPAKULIWA NA MASHABIKI WENGI

Mashabiki wa muziki wamejitokeza kupakuwa kuitazama video ya Mshindi wa Airtel Trace Music Stars Afrika Nalimi Mayunga aliyoifanya na mwanamuziki nguli nchini Marekani Akon Bofya kwenye mshale mweupe  hapo chini uone LIVE Video hiyo ya Mayunga au uone mahojiano yake wakati akiwa nchini marekani. Utapata pia kujua jinsi ambavyo Airtel kupitia shindano lake la Airtel Trace Music Stars lilivyomwezesha Mayunga kufikia ndoto zake. Bofya video ya pili


TANZIA: MWASISI WA USHIRIKA WA WAJAMAICA WALIOHAMIA TANZANIA MWAKA 1970 RAS BUPE BAKWERESA KARUDI "MKUSHI" AFARIKI DUNIA

























Na Sultani Kipingo
Habari za uhakika na kusikitisha zimetufikia kuwa mwanaharakati Ras Bupe Bakweresa Karudi, maarufu pia  kama kaka Ras Bupe Mkushi  (pichani kushoto), amefariki dunia katika hosptali ya Taifa Muhimbili alikokuwa amelazwa baada ya kupata ajali ya gari.
Ras Bupe ameacha mke na watoto. Mke na mtoto wake wa kiume wameshawasili nchini kutokea Uingereza. 
Msiba upo Mbezi Beach mtaa wa Almasi off Ally Sykes Close jijini Dar-es-salaam.
 Marehemu Ras Bupe Bakweresa Karudi alikuja nchini Tanzania katikati mwa miaka ya 70 akifuatana na mkewe na watoto wawili Kiyenda (msichana) na Nyamiche mvulana. Ras Bupe Karudi alikuja kumuomba marehemu baba wa taifa mwalimu Nyerere hili atoe idhini kwa watu weusi wa visiwa vya Karibian vya Jamaica warudi Afrika (Tanzania) kama nyumbani kwani ndio asili yao.
Baada ya kukubaliwa maombi yake, Marehemu Bupe akaungana na wanaharakati wenziwe hapa nchini wakiwemo marehem Prof. Joshua Mkhululi aka Prof. Keneth Edward, Marehem Ras Kwetenge Zanaki Sokoni (Wa Jamaica) pamoja na  wengine ambao wapo hai Imani Mani wakaungana na wenyeji wao Said Jazbo Vuai, Isza Suleiman na Ebrahim Makunja au Kamanda Ras Makunja kiongozi ambapo wakasajili chama cha ushirika chenye jina la UHURU, UMOJA NA MAENDELEO chenye makao kule Mbezi Beach jijini Dar es salaam wakiwa wanajishughulisha na mipango ya kilimo na kumiliki maroli ya usafirishaji. 
Marehem Kaka Ras Bupe atakumbukwa sana kwa harakati zake zake za kuupigania uafrika na kuwahamasisha raia wenye asili ya kiafrika kurudi Tanzania.
-----------------------------------
Yes, it’s a sad reality but the word going round town that Ras Bupe Mkushi has gone to join the ancestors are true. 
It was last Friday May 20, that he took his last breath, after fighting a tetanus infection. He was the victim of a motor vehicle accident on May Day (May 1st), from which he incurred some leg wounds. His body will be put to rest next Wednesday at  Mbezi Beach in Dar es salaam. This date has been chosen so that family members, from outside of the country can attend the burial. 
- Imani Mani
Ewe Mola mlaze pema mahali peponi marehemu 
Bupe Bwakweresa Karudi 
Amen




MAKAMU WA RAIS, SAMIA SULUHU AZINDUA KAMPENI YA TAKUKURU YA 'LONGA NASI' JIJINI DAR LEO


Makamu wa Rais wa Jamhuri ya Muungano wa Tanzania Mhe. Samia Suluhu Hassan, akihutubia kwenye uzinduzi wa kampeni ya LONGA NASI inayomaanisha Sema au ongea na TAKUKURU kwa kutoa Taarifa za watu wanaotoa rushwa au kupokea rushwa kwaajili ya kuboresha mapambano dhidi ya Rushwa ambapo uzinduzi huo umeambatana pamoja na uzinduzi wa matumizi mapya ya simu ya Dharura ya 113 unayoweza kupiga na kutuma sms za kawaida  Uzinduzi huo umefanyika leo  katika viwanja vya Mwembe Yanga Temeke jijini Dar es salaam.
Mkuu wa Kitengo cha Tehama TAKUKURU, Neema  Mwalyelye akitoa maelekezo kwa Makamu wa Rais wa Jamhuri ya Muungano wa Tanzania Mhe. Samia Suluhu Hassan alipotembelea kwenye  banda la kitengo cha Tehama wakati wa uzinduzi wa kampeni ya LONGA NASI inayomaanisha Sema au ongea na TAKUKURU kwa kutoa Taarifa za watu wanaotoa rushwa au kupokea rushwa iliyofanyika katika viwanja vya Mwembe Yanga Temeke jijini Dar es Salaam leo.
Makamu wa Rais wa Jamhuri ya Muungano wa Tanzania Mhe. Samia Suluhu Hassan akivuta kamba kuashiria uzinduzi wa gari la matangazo ya Kampeni ya kupambana na Rushwa ya LONGA NASI kwa kupiga namba 113 na kutuma kutuma sms kwenda namba 113 ili kutoa taarifa ya kutoa au kupokea Rushwa kwa TAKUKURU.
Picha na Avila Kakingo, Globu ya Jamii.
KWA PICHA ZAIDI BOFYA HAPA.


KIJIPU UPELE ENEO LA KINONDONI MANYANYA JIJINI DAR ES SALAAM


UFAFANUZI KUHUSU MADAI YA KUHARIRIWA KWA VIDEO YA MHE. CHARLES KITWANGA.



TEASER JOTO LA ASUBUHI JUMATANO MAY 25, 2016 KUANZIA SAA 12 ASUBUHI


WAZIRI MKUU, MAJALIWA AMWAKILISHA JPM MKUTANO WA ADB - LUSAKA.

  Waziri Mkuu, Kassim Majaliwa akisalimiana na Waziri Mkuu wa Msumbiji, Carlos Agostino do Rosario katika Mkutano wa Benki ya Maendeleo ya Afrika - ADB kwenye Kituo cha Mikutano cha Mlungushi kilichopo Lusaka Zambia , Mei 24, 2016.
  Waziri Mkuu, Kassim Majaliwa akizungumza katika Mkutano wa Benki ya Maendeleo ya Afrika - ADB kwenye Kituo cha Mikutano cha Mlungushi kilichopo Lusaka Zambia , Mei 24, 2016. Wengine pichani kutoka kushoto ni Makamu wa Rais wa Nigeria, Prof. Yemi Osinbojo, Rais wa Chad,  Idriss Debyo, Rais wa Zambia, Edgar Lungu na Waziri Mkuu wa Msumbiji,  Carlos Agostino do Rosario.

 Rais wa Zambia, Edgar Lungu akifungua Mkutano wa Benki ya Maendeleo ya Afrika - ADB kwenye Kituo cha Mikutano cha Mlungushi kilichopo Lusaka Zambia , Mei 24, 2016.Kushoto kwake ni Waziri Mkuu,Kassim Majaliwa ambaye alimwakilisha Rais John Magufuli kwenye mkutano huo.
(Picha na Ofisi ya Waziri Mkuu)


JKCI Yafanya Upasuaji Mkubwa wa Moyo wa Kupandikiza Mishipa ya Damu

Kaimu Mkurugenzi Mtendaji wa JKCI, Profesa Mohamed Janabi akitia saini mkataba wa ushirikiano wa kutoa huduma na mafunzo kati ya JKCI na Hospitali ya Moyo ya BLK ya India. Kulia ni mwakilishi wa Hospitali ya Moyo ya BLK ya India akitia saini kuhusu mkataba huo.

Taasisi ya Moyo ya Jakaya Kikwete –JKCI- kwa kushirikiana na Hospitali ya BLK kutoka nchini India  kwa mara ya kwanza imefanya upasuaji mkubwa wa moyo kwa kupandikiza mishipa ya damu kwenye moyo (Buypass  Surgury )  bila kuusimamisha moyo kwa kutumia mashine maalum inayoitwa Heart Lung Machine.

Upasuaji huo  ni mkubwa  wa kwanza na wa aina yake kufanyika hapa nchini na kwa kanda Afrika ya Mashariki na Kati .

Akizungumza na waandishi wa habari leo jijini Dar es salaam  , Kaimu Mkurugenzi wa Taasisi ya Moyo ya Jakaya Kikwete Dk. Peter Kisenge amesema  wataalam wa taasisi hizo mbili kwa mara ya tatu wameweza kutoa tiba kubwa ya moyo  bila mgonjwa kupasuliwa kwa kutumia mtambo wa Cathlab kwa kuzibua Valvu zilizoziba( BMV Procedure ).

Wataalam hao wa Moyo ambao watakuwa hapa nchini kwa siku mbili watatoa mafunzo kwa watoa huduma wa Taasisi ya moyo ambapo wagonjwa watakaopewa huduma hii watafikia takribani 18 .

“ Taasisi itaokoa zaidi ya Shilingi Milioni 180 kwa siku mbili kama wagonjwa hawa wangepelekwa nje ya nchi kwa matibabu haya haya ,  na kubwa zaidi si fedha tu bali tumeokoa  maisha ya watanzania wenzetu” amesema Dk. Kisenge.

Katika hatua nyingine, Taasisi ya Moyo ya Jakaya Kikwete  imetia saini mkataba wa ushirikiano wa kutoa huduma na mafunzo na Taasisi ya BKL ya nchini India , lengo ni kuwapa mafunzo watumishi wake na kuendelea kutoa huduma ya upasuaji  wa moyo kwa kushirikiana na taasisi ya BLK .

Kwa mwaka huu peke yake JKCI imefanya procedure 471 ikiwemo upasuaji wa Moyo kwa kufungua kifua  99,  vipandikizi  78 , vizibua njia  265 na nyinginezo 29 .

Mbali na ushirikiano huu na Taasisi ya BLK , JKCI imeweza kufanikisha huduma hizi kubwa kwa kushirikiana na  taasisi nyingine marafiki zikiwemo Al-Muntada ( Saudi Arabia ) Open Heart  International ( Australia) , Save a Child’s Heart ( Israel)  na Madaktari Afrika.

Kambi kama hizi zitaendelea tena Julai, Septemba na Novemba .
Kaimu Mkurugenzi wa Huduma za Tiba katika Taasisi ya Moyo ya Jakaya Kikwete (JKCI), Dk Peter Kisenge akizungumza na waandishi wa habari leo baada ya taasisi hiyo kufanikiwa kufanya upasuaji mkubwa wa moyo wa kupandikiza mishipa ya damu. Katikati ni Kaimu Mkurugenzi Mtendaji wa JKCI, Profesa Mohamed Janabi na Mwenyekiti wa Hospitali ya Moyo ya BLK ya nchini India, Dk Subhash Chandra. Watu 18 watafanyiwa upasuaji wa njia hiyo kwa kushirikiana na wataalamu kutoka India.
Mwenyekiti wa Hospitali ya Moyo ya BLK nchini India, Dk Subhash Chandra akizungumza na waandishi wa habari leo kuhusu upasuaji mkubwa wa moyo unaofanyika JKCI. Kulia ni Mwenyekiti wa Hospitali ya Moyo ya BLK ya India, Dk Ajay Kaul.
Kaimu Mkurugenzi Huduma za Upasuaji JKCI, Dk Bashir Nyangasa akiwaeleza waandishi wa habari jinsi walivyofanikiwa kufanya upasuaji mkubwa wa moyo kwa kutumia njia ya upandikizaji mishipa baada ya mishipa hiyo kutolewa sehemu ya miguuni ya mgonjwa. Katikati ni Kaimu Mkurugenzi Mtendaji wa JKCI, Profesa Mohamed Janabi na Mwenyekiti wa Hospitali ya Moyo ya BLK ya India, Dk Subhash Chandra.


KAMPUNI YA MOSAN LIMITED INAKUTANGAZIA NAFASI ZA KAZI.

KAMPUNI YA MOSAN LIMITED INAKUTANGAZIA NAFASI ZA KAZI KATIKA MAENEO YAFUATAYO:

1.       MAAFISA MASOKO NA MAUZO (SALES AND MARKETING OFFICERS)
2.       MAAFISA MAUZO (SALES OFFICERS)

SIFA
I.                    UWEZO WA KUENDESHA PIKIPIKI NA GARI
II.                  UWEZO WA KUUZA NA KUTAFUTA MASOKO, PIA KUONGEZA THAMANI KWENYE BIASHARA
III.                MAARIFA YA MASOKO
TUMA MAELEZO BINAFSI (CV) KWENYE EMAIL HII: employment.mosan@gmail.com.

AU PIGA SIMU HII KWA MAELEZO ZAIDI: +255 717 49 87 73.
Mwisho wa kutuma maombi ni Mei, 27, 2016.


SIMU TV: HABARI KUTOKA TELEVISHENI


CBE yatolea ufafanuzi dhidi ya tuhuma za ufisadi chuoni hapo.



TANZANIA KUIUZIA UMEME ZAMBIA - MAJALIWA

WAZIRI MKUU Kassim Majaliwa amesema Tanzania ina mpango wa kujenga njia ya umeme kutoka Mbeya hadi Zambia kupitia Tunduma ili kupunguza tatizo la umeme linaloikabili nchi hiyo.

“Serikali ya Tanzania inajenga njia ya umeme ya msongo wa KV 400 kutoka Iringa - Dodoma – Singida – Shinyanga ambayo ni sehemu ya mradi mkubwa wa umeme unaolenga kuunganisha Zambia, Tanzania na Kenya,” amesema.

Amesema  upembuzi yakinifu kwa ajili KV400 kutoka Iringa hadi Mbeya umekwishakamilika tangu mwaka 2012, na hivi sasa Serikali inatafuta fedha kwa ajili kuunganisha kipande cha kutoka Mbeya na gridi ya Taifa ya Zambia.

Waziri Mkuu ambaye anahudhuria mkutano huo kwa niaba ya Mheshimiwa Rais, Dk. John Pombe Magufuli, ametoa ufafanuzi huo leo mchana (Jumanne, Mei 24, 2016) wakati akichangia hoja kwenye mjadala wa wakuu wa nchi na Serikali uliohusu Nishati na Mabadiliko ya TabiaNchi kwenye ukumbi wa mikutano cha kimataifa wa Mulungushi.

Amesema ili kukabiliana na changamoto ya nishati barani Afrika, nchi za bara hili zinahitaji kuwa na fedha ama mitaji, teknolojia ya kisasa na wataalamu wenye ujuzi wa kutosha jambo ambalo amesema ni gumu kulikamilisha kila nchi peke yake.

Amesema ili kukaribisha wawekezaji kwenye sekta ya umeme, Tanzania inafanyia marekebisho sheria zake ili kuruhusu uwekezaji kwenye sekta hiyo.

SOMA ZAIDI HAPA


YALE YALEEE.....: BASI LINGINE LA MWENDOKASI LAPIGWA PASI MCHANA KWEUPEEEE...




Basi la mwendokasi T 123 DGW lionekanavyo baada ya kupigwa pasi na Gari ndogo yenye namba za usajili  T543 CUQ , katika makutano ya Barabara ya Msimbazi na Morogoro, Jijini Dar es Salaam leo. Hakuna aliyeumia (PICHA ZOTE NA KHAMISI MUSSA)
Gari hiyo inavyoonekana baada ya kulipiga pasi Basi la Mwendokasi.
Mmiliki wa Gari hilo  baada ya tukio.


MWANZA YAPOKEA ZAIDI YA TANI 500 ZA SUKARI

Mkuu wa mkoa wa Mwanza John Mongella, amesema mkoa wake umepokea Tani 500 za Sukari, zikitokea kiwanda cha sukari cha Kagera Sugar tarehe 24, Mei, 2016, ambazo zinaingizwa mkoani hapo na muagizaji na Msambazaji P.H Shah.

Hata hivyo mkuu huyo wa mkoa ameonya watu watakao uza sukari hiyo kinyume na bei elekezi , na kusema kuwa watachukuliwa hatua za kisheria ikiwa nipamoja nakufikishwa katika vyombo vya dola.
Mongella amesema pia kwamba, kupitia kamati yakushughulikia sukari, tayari wametoa maelekezo kwa Wakuu wa wilaya jinsi yakushughulikia suala la sukari na kwamba wasambazaji wote katika Wilaya lazima wazingatie maelekezo bila kuvunja utaratibu utakao wekwa.

Mahitaji ya sukari katika mkoa wa Mwanza ni Tani 1,500 kwa wiki kwa matumizi ya kawaida kwa wananchi wake, hivyo kuwasili kwa tani 500 ukweli kwamba itasaidia kupunguza uhaba wa sukari unao ukabili mkoa huu kwa sasa.
Hata hivyo mkuu wa mkoa amewatoa wanachi hofu juu ya sukari kwakusema, tayari viwanda vya hapa nchini vimekwisha anza uzalishaji wa sukari na kwamba muda si mrefu tatizo la sukari litapungua kama sio kuisha kabisa.


mabadiliko ya sheria za Usalama Barabarani hayaepukiki - Kamanda Mpinga

Mkuu wa Kikosi cha Usalama Barabarani nchini, Kamanda Mohamed Mpinga amesema mabadiliko ya sheria ya usalama barabarani hayaepukiki ili kupunguza vifo na majeruhi vitokanavyo na ajali za barabarani. Kamanda Mpinga amayesema hayo leo jijini Dar es Salaam wakati wa Uzinduzi wa Programu ya Usalama Barabarani inayoratibiwa na Chama cha Wanasheria Wanawake Tanzania (TAWLA) kwa kushirikiana na wadau mbali mbali wa Usalama Barabarani.

“Sheria zinazohusu masuala ya Usalama barabarani inabidi zifanyiwe marekebisho ili ziweze kusaidia kupunguza vifo na majeruhi kwani zilivyo sasa hazitoi adhabu kali kwa wanaokiuka sheria hizo”alisema Kamanda Mpinga.

Aidha Kamanda huyo alisisitiza kuwa suala la Usalama Barabarani ni la kila mmoja hivyo inabidi litiwe mkazo na watu wote. Kwa upande wake Mkurugenzi wa TAWLA, Bi Tike Mwambipile amesema chama hicho kwa kuzingatia umuhimu wa kushughulikia masuala ya Usalama Barabarani kimeona ni vyema kikafanya kikao hicho ili kupata mawazo ya wadau.

Bi Mwambipile amesema vifo vingi vinavyotokana na ajali za barabarani vinawaacha wanawake wengi wakiwa wajane na watoto yatima wanaongezeka.

Ameongeza kuwa fedha nyingi zinatumika kuwahudumia majeruhi badala ya kufanya shughuli nyingine za maendeleo ya jamii.

Naye Mwenyekiti wa TAWLA, Bi Aisha Bade amesema mabadiliko makubwa ya sera na sheria za usalama barabarani ni lazima yafanyike ili kupunguza athari zitokanazo na ajali za barabarani.

Bi Bade amesema TAWLA kwa kushirikiana na wadau wengine inafanya juhudi za makusudi ili kuhakikisha sheria hizi zinabadilishwa ili kukabiliana na janga hili.

Visababishi vya ajali kwa hapa nchini vimetajwa na Mratibu wa Mradi Bloomberg wa Usalama Barabarani, Bi Mary Kessy kuwa ni ulevi, kutofunga mkanda, kutoweka vizuizi vya watoto kwenye magari, mwendo kasi na kutovaa kofia ngumu kwa waendesha pikipiki.


HAYATI WILSON KABWE AAGWA JIJINI DAR ES SALAAM LEO

Jeneza lenye Mwili wa aliekuwa Mkurugenzi wa Jiji la Dar es Salaam, Marehemu Wilson Mbonea Kabwe, wakati wa zoezi la kuaga lililofanyika kwenye Viwanja vya Karimjee, Jijini Dar es salaam leo.
Viongozi Mbalimbali waliohudhulia shughuli ya kuangwa kwa Mwili wa aliekuwa Mkurugenzi wa Jiji la Dar es Salaam, Marehemu Wilson Mbonea Kabwe, wakiongozwa na Waziri wa Nchi Ofisi ya Rais Tawala za Mikoa na Serikali za Mitaa, (TAMISEMI), George Simbachawene (wa pili kushoto), Mkuu wa Mkoa wa Dar es salaam, Paul Makonda, Meya wa Jiji la Dar es salaam, Isaya Mwita pamoja na Mkuu wa Wilaya ya Ilala, Raymond Mushi.
Sehemu ya Familia ya aliekuwa Mkurugenzi wa Jiji la Dar es Salaam, Marehemu Wilson Mbonea Kabwe,wakiwa kwenye shughuli ya kuaga mwili wa Mpendwa wao, iliyofanyika kwenye Viwanja vya Karimjee, Jijini Dar es salaam.


DK.SHEIN AWAAPISHWA WAKUU WA MIKOA NA WILAYA.

 Rais wa Zanzibar na Mwenyekiti wa Baraza la Mapinduzi Mhe. Dkt. Ali Mohamed Shein   akimuapisha Mhe,Ayoub Mohammed Mahmoud   kuwa   Mkuu wa Mkoa wa Mjini  Magharibi Unguja,kabla alikuwa Mkuu wa Wilaya Magharibi A, hafla iliyofanyika leo katika ukumbi wa Ikulu Mjini Unguja
 Rais wa Zanzibar na Mwenyekiti wa Baraza la Mapinduzi Mhe. Dkt. Ali Mohamed Shein   akimuapisha Mhe,Vuai Mwinyi Mohammed   kuwa   Mkuu wa Mkoa wa Kaskazini Unguja,kabla alikuwa Mkuu wa Wilaya Kati, hafla iliyofanyika leo katika ukumbi wa Ikulu Mjini Unguja.
 Rais wa Zanzibar na Mwenyekiti wa Baraza la Mapinduzi Mhe. Dkt. Ali Mohamed Shein   akimuapisha Mhe,Marina Joel Thomas   kuwa   Mkuu wa Wilaya ya Mjini   Unguja, hafla iliyofanyika leo katika ukumbi wa Ikulu Mjini Unguja.
[Picha na Ikulu.] 


MAKADIRIO YA MAPATO NA MATUMIZI YA WIZARA YA ARDHI KWA MWAKA WA FEDHA 2016/17 YAPITISHWA

Waziri wa Ardhi, Nyumba na Maendeleo ya Makazi, Mhe. William Lukuvi na naibu waziri wake Mhe. Angelina Mabulla wakifuatilia hoja za wabunge wa mapitio makadirio ya mapato na matumizi ya wizara ya Aridh kwa mwaka wa fedha 2016/17.
Waziri wa Ardhi, Nyumba na Maendeleo ya Makazi, Mhe. William Lukuvi akijibu hoja bungeni wakati wa mapitio ya makadirio ya mapato na matumizi ya wizara ya Aridh kwa mwaka wa fedha 2016/17
Naibu Waziri wa Ardhi, Nyumba na Maendeleo ya Makazi,  Mhe. Angelina Mabulla akipongezwa na watendaji wa Wizara nje ya ukumbi wa bunge baada ya makadirio ya mapato na matumizi ya wizara kupitishwa na bunge kwa mwaka wa fedha 2016/17.


EALA SWEARS IN EAC SECRETARY GENERAL, HON AMB MFUMUKEKO AS EX-OFFICIO MEMBER

The EAC Secretary General, Hon, Amb Liberat Mfumukeko, this afternoon took Oath of Allegiance as an Ex-Officio of the Assembly as the 6th Meeting of the 4th Session commenced in Arusha, Tanzania this afternoon.

Hon, Amb Liberat Mfumukeko was sworn in by the Clerk to the Assembly in a brief ceremony witnessed by the Speaker and Members of EALA in line with the Rule 5 of the Rules and Procedures of the Assembly. The Rule 5(4) of the Rules of Procedure say in part that: “No Member can sit or participate in the proceedings of the House until the Oath or Affirmation of Allegiance to the Treaty is taken”.

Rule 5(5) specifically states that “when a Member first attends to take his or her seat other than at the first sitting of a new House, he or she shall be brought to the table by two Members and presented by them to the Speaker who shall then administer the Oath or Affirmation of Allegiance”.
The Clerk to the Assembly administers the oath to the EAC Secretary General, Amb Liberat Mfumukeko.

Hon Mfumukeko was ushered in to the House by EALA Members, Hon Isabelle Ndahayo and Hon Hafsa Mossi. Hon,Amb Mfumukeko was appointed during the February 2016 Summit of EAC Heads of State to replace Hon, Amb Dr Richard Sezibera. Prior to the appointment as Secretary General, Hon. Mfumukeko was the Deputy Secretary General, Finance and Administration at the EAC.

Hon,Amb Liberat Mfumukeko has over twenty one years’ work experience in both private and public sector. Prior to joining the EAC, Hon Amb Mfumukeko was the Director General of the Burundi Electricity and Water National Company between 2013 to 2015 and President of the Steering Committee of the East African Power Pool.

He has served as a Senior Advisor to the President of the Republic of Burundi in charge of Economic Affairs (2012-2013) and as Director General of the Burundi Investment Promotion Authority (2009-2012)

Hon, Amb Mfumukeko served as an Economic Expert at the United Nations - UNDP and FAO from 2006 to 2009 and also in various companies in the USA and France including Banque Populaire (France), EDF GDF - Electricite de France (France) and American Express, Mobil Oil, FUBU, Karl Kani (USA).

Hon, Amb Mfumukeko, who is a Doctoral Studies candidate (Doctoral studies in Business Administration - DBA) at Atlantic University holds a BSC and Masters Degree in Economics (Université Francois Rabelais of Tours - France), and an MBA from Clark University in the USA. He has attended several training programs in Change Management and International Business at Harvard University and at the MIT in USA.
The EAC Secretary General, Hon Amb Liberat Mfumukeko is led in to the House to take the Oath of Allegiance by the Clerk to the Assembly, Kenneth Madete. At back is Hon Hafsa Mossi and Hon Isabelle Ndahayo.
The EAC Secretary General, Hon Amb Liberat Mfumukeko signs the oath of Allegiance to the House.
CONGRATULATIONS: The EALA Speaker, Rt. Hon Daniel Kidega offers his congratulations to the EAC Secretary General, Hon Amb Liberat Mfumukeko moments after taking the Oath.


Chuo cha Ukamanda na Unadhimu cha India chaipongeza TMAA

Katibu Mkuu wa Wizara ya Nishati na Madini, Profesa Justin Ntalikwa (kulia) akikabidhiwa Ngao ya Chuo cha Ukamanda na Unadhimu cha nchini India ambayo alikabidhiwa na Admiral DM Sudan (kushoto). Ujumbe kutoka Chuo hicho ulifika katika Wizara ya Nishati na Madini ili kujifunza masuala ya ukaguzi wa madini.
Katibu Mkuu wa Wizara ya Nishati na Madini, Profesa Justin Ntalikwa (katikati) akiwa katika kikao na Ujumbe Chuo cha Ukamanda na Unadhimu cha nchini India (NDC)ulioongozwa na Admiral DM Sudan (Kulia kwa Katibu Mkuu). Ujumbe huo ulifika katika Wizara ya Nishati na Madini ili kujifunza masuala ya ukaguzi wa madini. Kushoto kwa Katibu Mkuu ni Kaimu Kamishna wa Madini, Mhandisi John Shija.
Kaimu Mkurugenzi wa Ukaguzi na Udhibiti wa Uzalishaji na Biashara ya Madini, Mhandisi Godfrey Kasekenya Kutoka Wakala wa Ukaguzi wa Madini Tanzania (TMAA),( aliyesimama), akifafanua jambo katika Kikao kilichohudhuriwa na Katibu Mkuu wa Wizara ya Nishati na Madini, Profesa Justin Ntalikwa (wa kwanza kushoto) na Ujumbe kutoka Chuo cha Ukamanda na Unadhimu cha nchini India (NDC) ulioongozwa na Admiral DM Sudan (hayupo pichani). Kushoto kwa Katibu Mkuu ni Kaimu Kamishna wa Madini, Mhandisi John Shija.


YANGA WAPANGIWA NA TP MAZEMBE KOMBE LA SHIRIKISHO

Na Zainab Nyamka, Globu ya Jamii.

HATIMAYE  ratiba ya kombe la Shirikisho imepangwa leo kwa mabingwa wa ligi kuu Tanzania Bara Yanga kupangwa kundi A akiungana  na timu za TP Mazembe, Mo Bejala na Mameada.

Michezo hiyo inatarajiwa kuanza kupigwa Juni 17 kwa mechi za nyumbani na ugenini ambapo washindi wawili  wa kila kundi wataingia nusu fainali.


BUNGE LATOLEA UFAFANUZI MADAI YA KUHARIRIWA KWA VIDEO INAYOMUONYESHA MH. CHARLES KITWANGA AKIJIBU SWALI BUNGENI



PHIRI AINGIA MSITUNI KUSAKA VIPAJI VIPYA

Na Zainab Nyamka, Globu ya Jamii.

SIKU  chache baada ya pazia  la ligi kuu ya soka Tanzania  bara kufungwa, Kocha mkuu wa Mbeya  City Fc, Kinnah Phiri ameanza zoezi maalumu la kusaka nyota wapya ambao atawajumuisha  moja kwa moja kwenye vikosi vya timu yake  msimu ujao.

Akizungumza baada ya majaribio ya siku ya kwanza  kwa wachezaji wapya vijana waliofika kujaribu bahati zao kwa kuonyesha  vipaji walivyonavyo navyo, Afisa habari wa City Dismas Ten amesema kuwa muitikio umekuwa mzuri katika siku hii kwanza ambayo nyota hao wa baadae wamefika kuonysha  uwezo wao mbele ya kocha huyo raia wa malawi.

“Leo ni siku ya kwanza, kitu kizuri mwitikio umekuwa mkubwa, takribani vijana 50 wamejitokeza kujaribu  bahati zao kulingana na vipaji walivyonavyo, haya ni majaribio ambayo kocha Phiri ameyaitisha ili kusaka vipaji vipya ambavyo moja kwa moja vitaingia kwenye timu yetu kubwa na ile ya U20,"amesema Ten.

Kwa upande wa vijana waliojitokeza wameshukuru kuwepo kwa zoezi hili kwa sababu limerahisisha  uwezekano wa vipaji walivyonavyo kuonekana mapema hatimaye waweze kutimiza ndoto zao za kuwa wachezaji wakubwa  siku za usoni

Hii ni kawaida ya timu hiyo kila inapomaliza msimu wa ligi kuweza kuandaa programu inayowapa fursa vijana kuonyesha vipaji vyao.


SERIKALI KUZITAMBUA NA KUZIRASIMISHA BANDARI BUBU ZILIZOKIDHI VIGEZO KWA LENGO LA KUKUSANYA KODI

Na Aron Msigwa - MAELEZO

Serikali imesema kuwa inaendelea na utaratibu wa kuzitambua na kuzirasimisha bandari Bubu zote zilizokidhi vigezo ambazo zinatumiwa na wafanyabiashara kupitisha bidhaa mbalimbali ili ziweze kuchangia katika Pato la Taifa kulingana na  wingi wa bidhaa zinazopitishwa katika bandari hizo. 

Naibu Waziri wa Ujenzi, Uchukuzi na Mawasiliano Mhandisi Edwin Ngonyani ametoa kauli hiyo bungeni mjini Dodoma leo wakati akijibu maswali ya Wabunge waliotaka kujua mkakati wa Serikali katika kudhibiti bidhaa zinazoingizwa nchini na wafanyabiashara wasio waaminifu kupitia bandari bubu hali inayoikosesha  serikali mapato.

Mhe. Ngonyani amekiri kuwepo kwa ongezeko la wafanyabiashara wasio waaminifu wanaotumia bandari hizo katika maeneo mbalimbali nchini hasa ukanda wa Pwani wa Bahari ya Hindi, Ziwa Tanganyika, Ziwa Victoria na maeneo ya mipakani ambayo yanaingia moja kwa moja kwenye makazi ya watu akieleza kuwa wengi wa wafanyabiashara wanakwepa kodi na kutafuta urahisi wa kupitisha mizigo yao.

Amesema maeneo hayo yamekuwa chanzo kikubwa cha upitishaji wa bidhaa zisizokidhi viwango, Silaha na Biashara haramu na kubainisha kuwa baadhi ya wafanyabiashara wa ndani wasio waaminifu wamekuwa wakishirikiana na raia wa kigeni kuagiza na kuingiza bidhaa hizo kupitia bandari hizo kwa lengo la  kukwepa kodi.

BOFYA HAPA KUSOMA ZAIDI


SEKTA YA NGOZI INA NUKSI- PROFESA MKENDA.

Katibu wa Wizara ya Viwanda na Uwekezaji-Uwekezaji, Profesa Adolf Mkenda  (Mwenye suti)akipewa maelekezo na Katibu Mwenezi wa Chama cha Wanunuzi wa Ngozi Tanzania (Wangota) juu hali biashara ya ngozi inavyodorola leo jijini Dar es Salaam. 
 Katibu wa Wizara ya Viwanda na Uwekezaji-Uwekezaji, Profesa Adolf Mkenda (Mwenye Suti)   akioyeshwa ngozi na zilizoahifadhiwa na katika  Maghala ya Ngozi leo jijini Dar es Salaam.
Ngozi ambazo zimehifadhiwa katika maghala ya Ngozi  Vingunguti jijini Dar es Salaam.
(Picha na Emmanuel Massaka Globu ya Jamii)

Na Chalila Kibuda, Globu ya Jamii.
SEKTA ya Ngozi imekuwa na Nuksi kutokana na baadhi ya viwanda vya ngozi kufungwa huku wamiliki wa maghala ya ngozi wanalia na biashara hiyo kuwa haitoki hata ikitoka wanauza kwa hasara.

Akizungumza na waandishi wa habari jijini Dar es Salaam, Katibu Mkuu wa Wizara ya Viwanda na Uwekezaji-Uwekezaji, Profesa, Adolf Mkenda wakati alipotembelea maghala ya ngozi , Profesa Mkenda amesema kuwa serikali itahakikisha inaweka mazingira bora ya wafanyabiasharaya ngozi kuweza ngozi hiyo kuzalisha bidhaa za ngozi kuuzwa ndani na sio kupeleka nje ya nchi.

Mkenda amesema kuwa katika mazingira wanayoweka ni kuhakikisha wawekezaji wa ndani ndio wanamiliki sekta hiyo na sio kutegemea watu wa nje ya nchi ambao wakati wote anakuwa na hati ya kusafiria kurudi kwao baada ya kuona biashara inadorola.

Amesema kuwa kuna kiwanda kimefungwa Shinyanga kutokana na kukosa malighafi ya ngozi huku baadhi ya maghala ya Dar es Salaam yakiwa na ngozi iliyokaa kwa muda wa miaka miwili.

Mmoja wa Wamiliki wa Maghala ya Ngozi, Omary Msangi amesema kuwa viwanda vilivyopo ngozi vinunua ngozi kwa bei ndogo huku gharama za kuhifadhi ngozi ikiwa kubwa.


NAPE AFUNGUA MASHINDANO YA KOMBE LA MKUU WA MAJESHI YA ULINZI ( CDF CUP - 2016) JIJINI DAR ES SALAAM

Waziri wa Habari, Utamaduni, Sanaa na Michezo Mhe. Nape Nnauye akihutubia wakati wa kufungua mashindano ya tatu ya kombe la Mkuu wa Majeshi (CDF Cup - 2016) kwenye uwanja wa Uhuru jijini Dar es Salaam.
Mkuu wa Mafunzo na Utendaji Kivita Meja Jenerali Issa Nassor akihutubia wanamichezo wa kijeshi kwenye sherehe za ufunguzi wa  mashindano ya tatu ya kombe la Mkuu wa Majeshi (CDF Cup - 2016) kwenye uwanja wa Uhuru jijini Dar es Salaam.
Waziri wa Habari, Utamaduni, Sanaa na Michezo Mhe. Nape Nnauye akipiga penati ikiwa ishara ya kufungua mashindano ya tatu ya kombe la Mkuu wa Majeshi (CDF Cup - 2016) kwenye uwanja wa Uhuru jijini Dar es Salaam.
Waziri wa Habari, Utamaduni, Sanaa na Michezo Mhe. Nape Nnauye akiwatakia heri timu ya Tembo kutoka Ruvuma na Kombaini ya Vikosi vya JKT kabla ya kuanza mechi yao kwenye mashindano ya tatu ya kombe la Mkuu wa Majeshi (CDF Cup - 2016) kwenye uwanja wa Uhuru jijini Dar es Salaam
Waziri wa Habari, Utamaduni, Sanaa na Michezo Mhe. Nape Nnauye akiwa kwenye picha ya pamoja na wachezaji wa timu ya Tembo pamoja na Kombaini ya JKT mara baada ya kufungua mashindano ya tatu ya kombe la Mkuu wa Majeshi (CDF Cup - 2016) kwenye uwanja wa Uhuru jijini Dar es Salaam.